आज ईद–उल–फित्र: खुसी, एकता र भाइचाराको सन्देश बोकेको महान पर्व!

आज देशभर मुस्लिम समुदायले ईद–उल–फित्र हर्षोल्लासका साथ मनाइरहेका छन्। पवित्र रमजान महिनाको समापनसँगै मनाइने यस पर्वमा विशेष नमाज अर्पण, मिठा परिकारको स्वाद र आपसी शुभकामना आदान–प्रदान गरिएको छ। ‘ईद मुबारक’ भन्दै गला मिल्ने परम्पराले समाजमा प्रेम, सद्भाव र एकताको सन्देश फैलाएको छ।

दान, सहानुभूति र आत्मसंयमको भावना बोकेको ईदले सामाजिक सम्बन्धलाई अझ बलियो बनाउँदै शान्ति र सहअस्तित्वको मार्गतर्फ सबैलाई प्रेरित गरेको छ।