पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
elocalnepalkhabar.com
वीरगञ्ज । कला र संगीत क्षेत्रमा वीरगञ्जबाट उदाएका प्रतिभाहरू यतिबेला चर्चाको केन्द्रमा छन्। वीरगञ्जकै गायक अनूप तिवारी र यहीँबाट आफ्नो अभिनय यात्रा सुरु गरेका कलाकार अशोक आर्यनले नयाँ गीत “स्वर्गकी परी” मार्फत दर्शक–श्रोताको मन जित्न सफल भएका छन्।
‘कुम्भ’ चलचित्रका लागि तयार गरिएको यस गीतमा अनूप तिवारी र चर्चित गायिका अञ्जु पन्तको सुमधुर आवाज रहेको छ। गीतको संगीत पनि स्वयं अनूप तिवारीले दिएका हुन् भने शब्द रचना रन्धिर श्रेष्ठले गरेका छन्।
संगीत संयोजन सुमन तामाङले गरेका छन् भने रेकर्डिस्टका रूपमा अनिश योञ्जनले काम गरेका छन्। गीतको रेकर्डिङ च्याङ्बा स्टुडियो र त्रिताल रेकर्डिङ स्टुडियोमा गरिएको हो। मिक्सिङ तथा मास्टरिङ पनि सुमन तामाङले नै गरेका हुन्, जसले गीतलाई थप उत्कृष्ट बनाएको छ।
२८ चैत २०८२, शनिवार १२:१८ मा प्रकाशित
