सुनको मूल्यमा फेरि उछाल, प्रतितोला १ हजार ६ सय रुपैयाँले महँगियो

काठमाडौं । नेपाली बजारमा सुनको मूल्य आज पुनः बढेको छ। प्रतितोला १ हजार ६ सय रुपैयाँले वृद्धि हुँदै सुनको मूल्य ३ लाख ६ हजार ८ सय रुपैयाँ पुगेको छ।

नेपाल सुनचाँदी व्यवसायी महासंघका अनुसार चाँदीको मूल्यमा पनि वृद्धि भएको छ। चाँदी प्रतितोला ६० रुपैयाँले बढेर ४ हजार ७ सय ७० रुपैयाँ पुगेको छ।

यसअघि अघिल्लो दिन सुन प्रतितोला ३ लाख ५ हजार २ सय रुपैयाँमा कारोबार भएको थियो। लगातारको मूल्यवृद्धिसँगै नेपाली बजारमा सुनको भाउले नयाँ उचाइतर्फ गति लिएको देखिएको छ।

आजको मूल्य:
🟡 सुन: रु. ३,०६,८०० प्रति तोला
⚪ चाँदी: रु. ४,७७० प्रति तोला